【育兒問題】岳母用符水幫BB沖涼,爸爸嬲爆媽媽懶理。

健康生活

867

對於雙職父母來說,將子女交給上一代照顧是常見問題,惟兩代價值、看法均不同,導致出現不少「代溝式」問題,甚至發生家族式世界大戰。近日有港爸在討論區發貼文指,得悉初生兒子較「扭計」,負責湊B的岳母就用符水為孫子沖涼,事件令到港爸鬧爆直指岳母不文明及落後。但是最令他不滿的是,妻子居然沒有阻止,以「講唔掂阿媽」為由實行懶理。貼文引起不少網民討論。

該名港爸在親子王國討論區「外母用符水幫阿仔沖涼,我堅嬲」為題發貼文,指初生兒子較「扭計」,而負責湊B的岳母竟用符水解決,「燒道符再用啲灰幫阿仔沖涼。」港爸知道事件後坦言非常心痛,「心嗱住嗱住,阿仔被人用啲咁唔文明咁落後嘅方法對待,真係好後悔冇請陪月。」

然而,更令港爸生氣的是太太不覺有問題,更以「因為講唔掂佢老母,所以阻止唔到。」港爸又指,岳母講什麼太太都會話好,「我同佢講外母咁做唔啱,佢都只係話我唔理解佢阿媽,乜都係我錯佢全家都冇錯」。

港爸指連日面對她們一家已經心力交瘁,又想將兒子交予自己的母親照顧,但對方因要上班未能即時幫忙,一連串問題令到他壓力大增,「日頭要返工,夜晚要捱眼瞓餵阿B夜奶,晚晚都瞓唔到幾個鐘。但我真係好攰,無體力同佢哋全家鬥智鬥力,一個人嘅力量真係有限。」

貼文引起不少網民的討論,有網民直言難以接受和理解,並希望港爸與家人多溝通,以免日後會產生更多育兒矛盾,「今日只係沖涼都仲可以隻眼開隻眼閉,最怕係佢用嚟沖奶就大鑊」、「最好盡量避免老人家照顧小朋友,好多爭拗都係隔代寵孫引起,無謂傷了家人感情,外判最簡單」、「辛苦啲,請工人啦」、「自己兩公婆湊返」。

  • 煮食危機丨美國研究:煮飯=吸20分鐘汽車廢氣,會增加呼吸道疾病,甚至患癌風險

  • 而另有網民認為岳母做法無傷大雅,「由得佢,沖涼的梘水,有消毒作用的」、「唔使擔心,外母唔係害BB,只是幫BB定驚」、「只要阿b無皮膚敏感,就唔好同老婆嘈」。

    Source:親子王國

    Text by MEDICAL INSPIRE ·思維

    Subscribe to Medical Inspire Telegram for instant news and information : 
    http://bit.ly/2sm3Zve

    Subscribe to Medical Inspire Youtube channel for professional medical information :
    http://bit.ly/2Fd1JPu

    FACEBOOK
    HOT PICK