智慧齒｜有不少人都曾有過關於智慧齒的煩惱，最常見是因生智慧齒沒足夠空間生長而牙痛，出現牙肉腫脹、發炎等問題，令患者受到不同程度的困擾。近日，藝人孔德賢就因牙痛困擾，一次過剝掉4隻智慧齒，並在他的社交網分享其剝牙經歷。
撰文：貓毛@Medical Inspire 醫．思維 │ 圖片來源：danny_hung@IG
智慧齒｜孔德賢一次剝4隻智慧齒
孔德賢於社交平台分享，早於7年前大學時代看牙醫時，已被牙醫勸喻盡早剝牙，不過他當時並無理會，選擇繼續與智慧齒「共存」。結果7年後，上排兩隻智慧齒因為長得太入，難以清潔而蛀牙，而下面兩隻智慧齒則打橫生長，而且只生得一半，導致積聚細菌並定期發炎。於是佢把心一橫，下定決心去找牙醫處理。
預約牙醫後，孔德賢詢問朋友意見，得到的回覆都說「通常一次最多剝兩隻」。不過，當他到牙醫診所就診時，醫生表示可以一次過剝4隻，於是他便直接一次解決4隻智慧齒。他指出，剝牙過程因施打麻醉針關係，完全不痛而且過程亦很快，10分鐘便把4隻牙齒都拔掉。
剝牙過程無痛，但剝牙痛苦現在才開始。手術完成後，姑娘詢問孔德賢有沒有頭暈頭痛想嘔，並提醒他要不斷吞口水及敷冰，否則會流口水及腫到猶如比卡超一樣，不過其後他就覺得自己腫到似巴斯光年多點，並分享了剝牙數天後的情況及相片。
分享剝牙經歷
第一日：
「個口麻痹晒，完全feel唔到任何嘢，好似無左個嘴咁，個口擘唔大，只可以食到蛋糕仔、魚生，飲水都有啲困難。」
第二日：
「開始腫到好似含住啲嘢咁，個口依然擘唔開。全日都係食粥，同生果，連食菜同肉都要剪碎佢，好似啲BB咁妹下妹下先吞到，好辛苦。但我自己就覺得似巴斯光年多過比卡超。」
第三日：
「好彩無再腫落去，個口開始擘開到，可以食到少少唔係流質嘅嘢。同埋感覺到口腫個位入面有啲液體係到浪嚟浪去，咩運動都做唔到。」
第四日：
「都係食唔到飯，只可以妹下妹下咁，仲未消腫，仲要個口生晒飛滋。開始轉左暖敷，用冬天剩返嘅暖包照係塊面到，增加血液循環快啲消腫，希望快啲好返啦。」
甚麼時候需要剝智慧齒？
好多人對於剝智慧齒都會感到擔憂及怕痛，不過若然出現以下情況，牙醫都會建議拔掉智慧齒。
蛀牙：
智慧齒生長空間不足，容易留有空隙積藏食物渣滓，引致蛀牙
牙痛腫脹：
腫脹疼痛不適，令人難以忍受
牙根萎縮：
智慧齒對相鄰的牙齒造成壓力，便需要拔掉
智慧齒冠周炎：
牙周組織容易發炎，使人感疼痛
