張保仔|1歲男嬰允祈不敵病魔離世、父母:等你返嚟再做我哋既小寶貝

醫療頭條

427

張保仔|1歲大男嬰張允祈(張保仔),自出生發現患上先天性大血管移位,出生後隨即接受心臟手術,但可惜過程失敗。術後,保仔身體各個器官陸續出現問題,包括腎功能急促下降、全身水腫、肺積水等問題,其父母於昨日在社交網交代保仔終不敵病魔離世。

編輯:貓毛@Medical Inspire 醫.思維|圖片來源:張保仔!邁向偉大航道!@FB

張保仔|1歲男嬰允祈不敵病魔離世

早前,保仔父母到醫院探望兒子時,發現保仔體溫再度升高,經抽血檢驗後證實腎功能再度下降。保仔父母更於社交平台透露,與醫生開會後決定,如果再有更差的情況出現,只會選擇「放棄治療」,陪伴保仔走完最後一段路,更表示:「之後就由佢自己決定走餘下嘅路,但現階段唔會有任何改變,就睇佢會走幾耐。」

張保仔
自出生發現患上先天性大血管移位

但堅強的保仔,衝過一關又一關,醫院更為保仔舉辦一歲生日會。保媽感激醫護百忙中,出心出力為保仔安排生日會,並慨嘆:「我冇諗過保仔可以真正開一歲生日會,可能對其他人並唔係一件特別事,但對我哋一家三口嚟講,意義真係特別大!」

張保仔
早前醫院為保仔舉辦一歲生日會

保媽更感謝醫護人員安排保仔可以暫時離開病房,出去公園走走,而姑娘更為保仔一家印腳印,作為留念。媽媽大讚保仔永不言敗的精神,對生命的堅持,令她也一同體驗生命,亦感恩一路上有大家的支持,一起見證保仔的成長。

不幸的是,日前保爸在社交平台「張保仔!邁向偉大航道!」上,更新保仔狀況,指凌晨3時多接到醫院電話,指保仔情況突然轉差,可能隨時有性命危險,請他們盡快到病房探望兒子。父母表示:「雖然一早已有心理準備,但仍然十分害怕這一天的來臨。」

當他們由留宿病房衝到病房時,只見保仔面色很差,其實心中有數,還大讚保仔好叻「佢好聽話,我噚晚同佢講,攰想休息就休息,我哋唔會怪你,最緊要你等到我哋一齊嚟到先休息。」然而,保仔真的做到了,當保爸保媽開聲叫他時,保仔立即有反應,心跳上升之餘,更「郁咗幾下」。

及後,保爸見勢色不對,主動跟醫生表示:「我哋同意放棄搶救,想抱保仔,希望保仔可以喺我哋懷抱中離開。」醫護同意後,保仔在保爸媽懷抱中,共聚了最後十分鐘的天倫之樂,便安詳地離去。

張保仔
父母:保仔,我哋真係好愛好愛你

保仔爸媽寫下深情告白給保仔:

「保仔…你唔駛再辛苦,天父會好鍚你,喺天家,無人再抽你痰,抽你鼻鼻,你唔再需要承受一個人孤零零喺病床無爸媽喺身邊無人理你嘅時間。你可以自由自在咁去開眼仔,雖然你開眼未必再見到爸媽喺你身邊,但我知道你已經變咗我哋最愛既小天使,守護住保爸媽。你好叻咁遵守咗第一個承諾,記得我哋仲有個約定,你喺天家探完婆婆,玩夠啦,就同天父講,你要用健康嘅身體返嚟保爸媽身邊。記住,我哋會等你返嚟!!」

允祈願您早日安息,並祝願保爸保媽,盡快走出傷痛,堅強生活下去。

Subscribe to Medical Inspire Telegram for instant news and information : 
http://bit.ly/2sm3Zve

Subscribe to Medical Inspire Youtube channel for professional medical information :
http://bit.ly/2Fd1JPu

FACEBOOK
HOT PICK